माननीय मुख्यमंत्री जी राजस्थानी भासा ने बेगी प्रदेश री राजभासा बणावण रा दिया सकारात्मक संकेत।
माननीय मुख्यमंत्री जी राजस्थानी भासा ने बेगी प्रदेश री राजभासा बणावण रा दिया सकारात्मक संकेत।
बीकानेर :- आज बीकानेर में महा रोजगार मेळे में पधारिया माननीय मुख्यमंत्री जी ने मायड़ भासा राजस्थानी हेताळुवां री टीम राजस्थानी भासा ने प्रदेश री राजभासा बणावण खातिर ज्ञापन सुंप्यो, माननीय मुख्यमंत्री जी राजस्थानी ने राजभासा बणावण खातिर ज्ञापन देखता थकां मीठी हंसी रे सागे सकारात्मक संकेत दियो है, इण बात रा पुरा आसार है के आपां लगातार दबाव राखांला तो बेगी ही खुशखबरी मिळेला। आज माननीय मुख्यमंत्री जी ने मायड़ भासा राजस्थानी ने प्रदेश री राजभासा बणावण खातिर ज्ञापन देवण आळी टीम में राजेश चौधरी, प्रशान्त जैन, रामावतार उपाध्याय, सरजीत सिंह, मुकेश सिंडायच, दिलीप उपाध्याय, मुकेश रामावत, कैलाश दान बीठू, इन्द्र कुमार गालरिया, मोहनलाल गेधर, अजय कंवर, मदन दासुड़ी आद सामळ हा। राजस्थानी भासा रा हेताळु आवण आळा दिना में राजस्थानी भासा ने प्रदेश री राजभासा बणावण खातिर प्रदेश भर में नुंवी ऊर्जा सागे आन्दोलन ने और तेज करेला।